Yfirlit yfir ellilífeyri og örorkulífeyri í Færeyjum

Almenn skilyrði fyrir ellilífeyri og örorkulífeyri

Meginreglan er sú að þú átt rétt á færeyskum ellilífeyri ef þú hefur haft fasta búsetu í Danmörku, Færeyjum eða Grænlandi í að minnsta kosti 3 ár á tímabilinu frá því þú varst 15 ára þar til þú varst 67 ára. Ef þú hefur starfað í Færeyjum í að minnsta kosti eitt ár getur verið að þú eigir rétt á færeyskum lífeyri, jafnvel þótt búseta þín í ríkjasambandinu hafi varað skemur en 3 ár. Hafðu samband við Almannastovan til þess að fá nánari leiðbeiningar ef þetta á við.

Réttur til fulls færeysks lífeyris fæst eftir 40 ára fasta búsetu í Danmörku, Færeyjum eða Grænlandi. Við skemmri búsetutíma er lífeyrinn reiknaður sem 1/40 af fullum lífeyri fyrir hvert það ár sem viðkomandi hefur haft búsetu í Danmörku, Færeyjum eða Grænlandi. Hafi maður t.d. búið í Færeyjum í 10 ár, greiðast 10/40 af fullum færeyskum lífeyri.

Lífeyririnn greiðist ekki ef hann er minni en 1/40 af grunnupphæðinni.

Föst búseta

Ráðning á færeyskt, grænlenskt eða danskt skip, vera erlendis sem fulltrúi opinbers aðila frá Færeyjum, Grænlandi eða Danmörku í tengslum við stöðu sem þjónar almannahagsmunum, starf í deild í færeysku, grænlensku eða dönsku fyrirtæki eða í dótturfyrirtæki slíks fyrirtækis eða í tengslum við nám, er sett til jafns fastri búsetu í danska ríkinu. 

Tekjutenging

Bæði ellilífeyrir og örorkulífeyrir eru tekjutengdir. Þannig lækkar lífeyririnn ef tekjur þínar fara yfir ákveðið hámark.